பண்புடன் ஆண்டு விழா - வார நட்சத்திரம் - நிர்மலா - 6

கேட்டுப் பாரேன்
- நிர்மலா

நேர் பார்வை தவிர்க்கும் கண்களில்
பேச்சின் குழைவில்
சுழிக்கும் சிரிப்பில்
அனிச்சை அசைவில்
வெளிப்பட்ட பெண்மையை
இயல்பாயுணர்ந்த நாட்கள்
நழுவிச் சென்றதை உணரவில்லைதான்

நேர்க் கோட்டில் உரசியின்று
கேள்வி கேட்கும் கண்களும்
தொனியுயர்ந்த குரலும்
எல்லைதாண்டா சிரிப்புமாய்
இறுக்கிக் கொண்டிருக்கும்
பெண்மையைக் கேட்டுப்பார்
ஆசையேதும் உண்டாயென்று
முழுசாய் என்னை ஒருமுறை
உணரச் செய்யென்று
சொல்லிப் போகும்.

(பண்புடன் ஆண்டு விழாவுக்காக எழுதப்பட்ட கவிதை இது)